He aha te Pūtaiao Rorohiko?

Kua whakamahia whānuitia te ingoa "Pūtaiao Rorohiko" i ngā tau tata nei i te ekenga o ngā pūkenga e tika ana e pā ana ki te kaupapa, hei whakawhanake i ngā mahi hangarau matihiko, ā, ka hiahiatia ake ngā kaimahi kua whai tohu mō tēnei kaupapa.

Ko te whāinga mā ēnei ngohe CS Unplugged e waia ai koe ki te kaupapa - e taea ai hoki te ako i te kaupapa nei mā te mahi i ēnei ngohe. I te tīmatanga me mārama tātou ki ngā pānga ki tō tātou nei ao, waihotia te tautuhi i te kaupapa mō āmuri. Hei tauira, whakaarohia tō tino pūkaha rapu. Tērā pea, he ngāwari noa iho te atanga: he pouaka hei patopato i ngā mea ka rapua me tētahi pātene hei tīmata i te rapu. Ka taea te hanga i taua pouaka me te pātene mā te mōhiotanga paku noa, ka taea hoki te hanga i te taupānga poto (kei raro i te 20 ngā rārangi o te waehere) kia rapu i ngā tuhinga katoa i runga i te ipurangi me te whakaatu i ngā kitenga. Heoi anō, he maha ngā āhuatanga e pā ana ki enei momo mahi. E hia kē ngā manomano rapunga ia rā, kei ngā whārangi maha anō hoki, ā, mā te momo whārangi ka kōrerohia kei runga nei, nāwai rā ka puta ngā kitenga, engari, mā te tino pōturi o tēnei momo, e kore ai pea e hiahia te tangata ki te whakamahi.

Kei konei te take mō te pūtaiao rorohiko; mā te āta whakamahi i ngā wāhanga maha o te pūtaiao rorohiko e piki ai te kaha o te pūnaha mā te Unplugged. Ka kitea te nuinga o ēnei kaupapa i konei i te Unplugged. Pēhea te rapu i tētahi o ngā tuemi manomano i tētahi wāhanga paku o te hēkona (Hātepe Rapu)? Me pēhea hoki ngā whakaritenga kia ngāwari ai te whakamahi (Pāhekoheko Tangata-Rorohiko)? Me haumaru hoki kia kaua e whakaatu ki tangata kē ngā mea ka rapua e koe, ki kaua hoki e tukuna ngā hunga arumoni ki te rāwekeweke i te kapatanga o ngā whārangi (Whakamarumaru Rorohiko, Whakamunatanga Rorohiko hoki)? Ka matapae hoki te nuinga o ngā pūkaha rapu i ngā kupu ka rapua (Atamai Tāwhaiwhai). Me horopū - kaua e tukuna mā te hapa paku o tētahi o te tini o ngā kaituhiwaehere e mahi ana i te kamupene pūkaha rapu e whakahoro i te paetukutuku (Mataarotanga Pūmanawa). Kia pai te piki i te taurahi - mēnā ka whakareatia ngā manuhiri mā te 10, ka kore e hiahiatia kia whakareatia ngā rauemi rorohiko mā te 100 (Hātepe). Ka whai te hāngai o ngā otinga rapu i ngā honohono o ngā paetukutuku, nā reira, ka hiahiatia he mahere o ngā hononga paetukutuku (Kauwhata).

Kua kōrerotia he wāhanga whānui o ngā kaupapa pūtaiao rorohiko kei runga nei. Ko te tuhiwaehere tētahi o ngā taputapu hei whakatinana i ngā whakaaro (āe rā, he tino taonga, ā, me whai pūkenga kia whakamahi i tēnei taputapu). Heoi, ehara i te mea mā te tuhiwaehere anake e hangaia ai ngā papatono pai mā te tangata. Mā te mōhio ki te pūtaiao rorohiko e mōhio ai hoki ngā kaituhiwaehere ki ngā huarahi kia tere, kia tiakina ngā rawa, kia haumaru, kia whai hua, kia mārama, kia taea te tipu, kia rawe hoki ngā pūmanawa rorohiko!

That's why we developed CS Unplugged - we want young students to be empowered to understand the great ideas that computer science covers, without having to become expert programmers first. They won't be learning exactly how to build the next search engine, social network or game app, but they will have an idea of what sort of techniques are needed to make it successful. We don't want them to see digital systems as some kind of magic that they can't participate in, but as something that they could understand and, for some, create themselves. Actually, it is kind of magic when you start understanding what can and can't be done.

Pānuitia 'Me pēhea ka whakaako ahau i te CS Unplugged?' or Tirohia ngā kaupapa e wātea ana